احلى كلام لاحن وارق واعز بلد العراق

السلام عليكم ورحمه الله وبركاته
شعر لاغلى واحلى واحن واعز بلد البلد الجريح العراااااااااااااق الغالي
الوطن شفته الوطن جدامي يبجي اينوح
ومن كد ماينوح ابنوحه بجــــــــــــــاني
كتله ياوطن فهمني كلي اشبـــــــــيك
منو البجاك كلي ومنمن اتعـــــــــــاني
جاوبني الوطن ودموعه عالخـــــــــدين
باكوني الغفو مابين ذرعــــــــــــــــاني
ولا جني وطنهم ذاك ابو الخيـــــــــرات
نكرو طيبتي وكل فضل نهـــــــــــراني
وكال ابجي ابحزن عالكال انه احميك
ومن صار التفرهد كسر بيـــــــــــباني
واضل ابجي ابحزن عالشبع بطنه وكال
ميهمني اشكلو ماكلو جيرانــــــــــي
بالك خله يمي وافتهم معنـــــــــــــاي
شنهي اشراح اكول اشينطق الساني
اكو وادم حيايه ابهيأة انســـــــــــان
اشما نزعت جلدهه ايرد جلد ثانــــــــي
مشكور الوطن فهمني خوش دروس
ومن ضمن الدروس البيهه وصاني
قوي كون الاساس وكاعي صلبه اتكون
حتىشما صعد ميطيح بنياني