تعريف بالقسم واهتماماته

صباح الخير لو مساء الخير شباب بنات اعضاء وضيوف المنتدى الكرام

حبيت اعرفكم شنو هذا القسم وشلون نشارك بيه ونفعله لاني من المغتربين والي يدرسون بالخارج

واكيد معظمنا هسه بره لعراق العظيم للدراسه اكثر شي


- هذا القسم هو ملتقى للطلبه والدارسين العراقيين ببلاد الغربه باي مكان بالعالم

- به نتناول كل ما يخص الطالب العراقي المغترب لتبادل الخبرات والمعلومات والتعرف على طبيعة تلك البلدان وجامعاتها ومميزاتها وأجواء الدراسة فيها وغيره .

- ساحة حوار وملتقى خاص بهم .. دروس ، ابحاث ، نقاشات ، اعلانات ، مشاكل وحلول اوضاع الطلاب ، اقتراحات ...

خصم الحجي كلشي وكلاشي

- اخر فقره بالقسم هيه : - علمتني الغربة ... اريد من كل الي يسجل يذكرنا شنو تعلم بالغربه

- يلا حبابين اريد اشوف مشاركاتكم بهذا القسم وتسولفولنا وين انتم وشتدرسون شلون الدراسه بهاي الدوله

بالموفقيه للجميع
تحياتي
حنين

عاشت الايادي والله كلش حلو الموضوع الى الافضل انشالله
تحياتي

حياج الله على الموضوع واحب اشارك وياج
السلام عليكم ورحمة الله وبركاته ..

حياكم الله شباب ..
حبيت اطرح هذا الموضوع حتى نستفاد كلنا من عنده ..
واتمنى كل طالب بعيد عن الوطن يجاوب على هذهِ الاسئلة ..



بداية ..

الأسم :

الدولة الي أنت َ / أنت ِ بيها :

المدينة :

الجامعة :

المرحلة :

التخصص :



ارجو الأجابة على الاسئلة التالية حسب قدرتك:


1.لماذا أخترت هذه الجامعة؟ ماهي مميزاتها وما هي عيوبها؟

2.لماذا أخترت هذا التخصص ؟ مستقبله الوظيفي في الشرق الأوسط؟ ما هو طموحك بهذا التخصص؟



من خلال خبرتك في الغربة :


1.ما هي الصعوبات التي واجهتها في البداية وتتوقع أن أي شخص سوف يواجهها في البداية في مكان دراستك؟

2.ما هي الامور التي لو كنت تعرفها لكان الامر عليك أسهل ولتجنبتها أو قمت بها؟

وأخيرا ً ..

أتمنى كُل طالب يكتب نبذه مختصرة عن تخصصه ..



تحياتي وتقديري للجميع



واني وصلت صف اول متوسط وتركت الدراسه وهم طلعت خارج العراق بس ما درست تحياتي الج مره ثانيه

ورده منوره والله وشكرا على ردج الرائع وانشالله ينصر كل مضلوم والله يوفقج بحياتج